Әлем елдерінде 1 сәуір - Күлкі күні ретінде атап өтілетіні белгілі. Бұл ресми мереке болмаса да, әрқашан көңілді өтеді, жақын адамдар арасында әзілдеп, кейде қызық сыйлықтар беру бұл күннің басты ерекшелігі саналады. Күлкі күніне орай мектебіміздің мұғалімі Жулдызай Музарапшина оқушыларға "Сатира - күштілер қаруы" тақырыбында кездесу ұйымдастырды.
Кездесу кешінің қонақтары әзіл, сатира саласының белгілі өкілдері "Әлімсақ" журналының бас редакторы, Қазақстан журналистер одағының мүшесі, әдебиетші - ғалым, сатирик, журналист.
"Алдаркөсенің ұрпағы" кітабының авторы Нұрлан Көбегенұлы және облыстық филармония жанындағы "Әдемі" балалар музыкалық театр - студиясының көркемдік жетекшісі, "Мәдениет саласының үздігі" төсбелгісінің иегері, "Сыр әзілі" ойын - сауық отауының бұрынғы әртісі Курманбек Боранбаев болды. Кеш барысында астарлы әзіл, қағытпа қалжыңдар айтылып, қонақтар шығармашылықтарына тоқталды.
Оқушылар өз кезегінде Нұрлан Көбегенұлының "Алдаркөсенің ұрпағы" кітабында жарық көрген сатиралық әңгімелер желісі бойынша көрініс ұсынып, сұрақтар қойды. Кеш соңы көңілді ойынмен аяқталды.
{gallery}/7410/12{/gallery}
