Көктемнің алғашқы күнімен келіп, көңіл тыныштығын сыйлайтын жарқын мереке - Алғыс айту күні! Алғыс айту - жүрекке жылу сыйлайтын керемет қасиет, қарапайым адамгершілік парыз. Алғыс айта білген адам алғыс арқалай алады. Сондықтан күн сайын, тіпті сағат сайын әртүрлі себептерге байланысты бір-бірімізге алғыс айтқанымыз артық болмас.
Мереке қарсаңында мектеп оқушылары өз достарына, ата-аналарына алғыстарын айтып, мектеп парламенті мектеп ұстаздарын көтеріңкі көңіл күйде қарсы алды. Салтанатты шара барысында мектеп тазалықшылары мен медбикелер алғыс хаттармен марапатталып, жылы лебіздерін білдірді.
"Батамен ер көгереді" дейді қазақ. Халқымыз алғыс алуға, бата алуға үлкен мән берген. "Алғыс алған арымас", "Алғыс алған жігіттің аты бәйгеден келеді" деген бар. Ендеше, осындай күнді пайдалана отырып, айналамыздағы жақсы жандарға алғыс айтуды ұмытпайық!
{gallery}-/-57{/gallery}
