Бүгін Абылай хан атындағы № 140 қазақ орта мектебінде бітіруші түлектерге жалпы орта білім туралы аттестат тапсыру салтанаты өтті.
Мектеп қабырғасында 11 жыл бойы білім мен тәрбие алып, игі қасиеттерді бойына дарыта білген 55 түлек үлкен өмірге қанат қақты. Әр бала – бір жұлдыз. Жұлдызды шәкірттеріміз де алтын ұя мектептерін қимай, сынып жетекшілер мен пән мұғалімдеріне ерекше алғыстарын білдірді.
Салтанатты жиынды арнайы қонағымыз Облыстық білім басқармасының бас маманы Ахметова Ақсәуле Ахметовна және мектеп директоры, тарих ғылымдарының кандидаты, доцент Мұсабаева Айгүл Нажмадинқызы ашып, түлектерге жүрекжарды тілектері мен ізгі ниеттерін білдіріп, алдағы өмірлеріне сәттілік тіледі.
Құрметі түлектер, бүгін сіздердің балалық шақтарың аяқталып, болашақтарыңның басталған күні! Сіздер осы сәттен бастап, өмірлеріңе жаңа бағыт және жолдама алдыңыздар! Ендігі жерде жұлдыздарыңның жануы, сәуле шашуы өз қолдарыңда! Тылсым өмірдің сындарлы сәттері ертеңгі күндеріңе сенімдеріңді бекітсін, ұстаздар қауымы мен ата – аналарыңыз сіздерді тек биіктен көрсін!
{gallery}-36/-41{/gallery}
